ഹരേ കൃഷ്ണാ...

ഭഗവാൻ ശ്രീകൃഷ്ണനെ സമ്പൂർണ്ണ അവതാരമായി കരുതപ്പെടുന്നു. കാരണം സമ്പൂർണ്ണ അവതാരത്തിന്നും നിദാനമായ 16 ചൈതന്യ കലകൾ അദ്ദേഹത്തിൽ സ്പഷ്ടമാണ്. കൂടാതെ മനുഷ്യനിൽ നിഹിതമായിരിക്കുന്ന 64 വ്യത്യസ്ത കലകളുടേയും സ്വാമിയാണ് അദ്ദേഹം. തന്റെ ഗുരു സാന്ദീപനിയിൽ നിന്നും ഈ 64 കലകളേയും അഭ്യസിച്ച ചരിത്രവുമുണ്ട്. ഭഗവാനിൽ സ്പഷ്ടമാകുന്ന ആ 16 കലകൾ എന്താണെന്നു നോക്കാം.

1) ശ്രീ സമ്പദാ -
ശ്രീകലയിൽ സമ്പന്നമായ വ്യക്തിയുടെ അരികിൽ സദാ സ്ഥായിയായി ലക്ഷ്മീദേവി വസിക്കുന്നതായി കാണാം. ഇവരിൽ ആത്മീക സമ്പത്തു ധാരാളമായി കാണാം. അവരുടെ കൈകൾ ഒരിക്കലും കാലിയാവില്ല. ദൈവീസമ്പത്തുകളാൽ സമ്പന്നമായി ഐശ്വര്യപൂർണ്ണമായ ജീവനവ്യാപനം ഇവരിൽ സ്വതസിദ്ധമായിരിക്കും.
2) ഭൂ സമ്പദാ -
ഇവരിൽ ഭൂമിയുടെ സമ്പത്ത് ധാരാളമായി കാണാം. ഭൂസമ്പത്തിൽ ക്ഷമയുടെ സമ്പത്തും ഇവരിൽ നിറഞ്ഞിരിക്കും. അനവധി ഭൂവിഭാഗങ്ങൾക്ക് സ്വാമിയായിരിക്കും.
3) കീർത്തി സമ്പദാ -
തന്റെ പേരു ലോകം മുഴുവൻ കീർത്തിക്കുന്ന അവസ്ഥ.ലോകത്തിൽ ആദരണീയനാവുക. പേരിൽ വിശ്വസനീയത ഇവയാണ് ഈ കലയുടെ മാഹാത്മ്യം. ഈ സമ്പത്തുള്ളവർ ലോകകല്യാണത്തിന് വേണ്ടി പ്രയത്നിക്കുന്നവരായിരിക്കും.
4) വാണി സമ്മോഹനത -
ഇവരുടെ വാക്കുകൾ മോഹനമായിരിക്കും.ഇവരുടെ വാക്കുകളാൽ അന്യന്റെ ക്രോധം ശമിക്കും. ശാന്തി ലഭിക്കും. മനസ്സിൽ നിറഞ്ഞ ഭക്തി, പ്രേമം ഈ ഭാവനകളെ ഉത്തേജിപ്പിക്കുന്ന വാക്കുകളായിരിക്കും
5 ) ലീല -
ഇവരെ കാണുന്ന മാത്രയിൽ തന്നെ ആനന്ദം ലഭിക്കും. ജീവനേയും ജീവിതത്തെ തന്നെയും ഈശ്വര രൂപത്തിൽ ഗ്രഹിച്ചവരായിരിക്കും.

6) കാന്തി -
ഇവരുടെ രൂപം ആരെയും ആകർഷിക്കുന്നതായിരിക്കും. ഒരിക്കൽ കണ്ടാൽ മുഖമണ്ഡലം മനസ്സിൽ വീണ്ടും വീണ്ടും ഓർമ്മ വരും.
7) വിദ്യ
ഈ കല കൊണ്ട് സമ്പന്നനായ വ്യക്തി വേദം, വേദാംഗം, യുദ്ധം, സംഗീതം, കല, രാജനീതി ,കൂടനീതി ഇവയിൽ പ്രാവീണ്യമുള്ളവരായിക്കും.
8) വിമല -
ഇവരുടെ മനസ്സ് വിശുദ്ധമായിരിക്കും. മാലിന്യ സ്പർശമുണ്ടായിരിക്കില്ല.
9) ഉൽക്കർഷണീയത - ഈ കലയിൽ സമ്പന്നരായവർ മറ്റുള്ളവരെ കർമ്മം ചെയ്യുന്നതിനു പ്രേരിപ്പിക്കും. ക്ഷമാശീലമുള്ളവരായിരിക്കും. വിശേഷ ലക്ഷ്യപ്രാപ്തിക്കായി പ്രയത്നിക്കുന്നവരായിരിക്കും.
10) നീര- ക്ഷീര - വിവേകം.
ഇവർ വിവേക ശീലരായിരിക്കും. പാലും വെള്ളവും പോലെ .ഹംസ തുല്യരായിരിക്കും. തന്റെ വിവേകത്താൻ മറ്റുള്ളവരെ പ്രശസ്തമാക്കുന്നതിൽ സക്ഷമരായിരിക്കും.

11) കർമ്മണ്യത -
സ്വയം കർമ്മനിരതനും മറ്റുള്ളവരെ കർമ്മനിരതരാക്കുന്നവനും ആകുന്നു.
12) യോഗശക്തി -മനസ്സിനെ വശത്താക്കി നിയന്ത്രിക്കാൻ കഴിവുള്ളവർ. ആത്മതത്വം ബോധിച്ചു യോഗം ശീലിച്ചവരായിരിക്കും.
13 ) വിനയം -
നമ്രത പരിശീലിച്ചവർ അഹങ്കാരമില്ലാത്തവർ. എല്ലാ വിദ്യയിലും പാരംഗതർ എന്നാൽ ഗർവ്വഹീനർ ആയിരിക്കും.
14) സത്യധാരണം -
ഇവർ കോമള - കഠോര സത്യങ്ങളെ ധരിക്കാൻ കെൽപുള്ളവർ. സത്യം ധരിക്കുന്നതിൽ ക്ഷമാശീലർ .സത്യവാദികൾ. ജനഹിതത്തിനും ധർമ്മരക്ഷക്കും വേണ്ടി കടുത്ത സത്യങ്ങൾ പറയാൻ ശക്തിയുള്ളവരായിരിക്കും .
15) ആധിപത്യം. -
മനുഷ്യരിൽ തങ്ങളുടെ പ്രഭാവം സ്ഥാപിക്കാൻ കഴിവുള്ള ഗുണങ്ങളോടുകൂടിയവർ. തന്റെ പ്രഭാവം മറ്റുള്ളവരേ അനുഭൂതമാക്കി അവരിൽ ആധിപത്യം തെളിയിക്കുന്ന അവസ്ഥ.

16) അനുഗ്രഹം - ക്ഷമത -
അന്യരുടെ കല്യാണത്തിനു പ്രവർത്തി ചെയ്യുന്നവർ .ആരെങ്കിലും തന്നെ സമീപിച്ചാൽ അവരെ ക്ഷമയോടെ അനുസരിക്കുകയും അവർക്കു വേണ്ട ആവശ്യങ്ങളെ നിവർത്തിക്കുകയും ചെയ്യുന്നവർ. ഭഗവാനെ ശ്രദ്ധിച്ചാൽ ഇവയെല്ലാം സമ്പൂർണ്ണമായി തികഞ്ഞ ഒരു വ്യക്തി ശോഭ അദ്ദേഹത്തെ പരിപൂർണ്ണതമനാക്കുകയും ചെയ്യുന്നു.

ഹരേ ഹരേ